වසර 4ක් කෝමා තත්ත්වයේ සිටි තායිලන්තයේ ‘පා කුමරිය’ දිවියෙන් සමුගනී
තායිලන්තයේ මහා වජිරලොන්කෝන් රජුගේ වැඩිමහල් දියණිය වූ බජ්රකිටියාබා නරේන්දිරා දෙබ්යාවතී කුමරිය අභාවප්රාප්ත වූ බව රාජකීය මාළිගාව අද (12) නිවේදනය කළේය.
වසර 4කට ආසන්න කාලයක් කෝමා තත්ත්වයෙන් පසුවූ ඇය මිය යනවිට 47වැනි වියේ පසුවූවාය. 2022 දෙසැම්බර් මාසයේදී එරට සංචාරයක යෙදී සිටියදී හෘදයේ ඇතිවූ රෝගී තත්ත්වයකින් ඇගේ සිහිය නැතිවී ඇති අතර, එතැන් සිට මියයන තෙක්ම ඇය කෝමා තත්ත්වයෙන් පසුවූවාය.
ඇය උදරයේ අභ්යන්තර ආසාදනයකින්, අඩු රුධිර පීඩනය, අරිතිමියාව, රුධිර කැටි ගැසීම වැනි රෝගාබාධ රැසකින් පීඩාවිඳ ඇත. පා කුමරිය ලෙස ජනප්රිය වූ බජ්රකිටියාබා, 1978 දෙසැම්බර් 7 වන දින එවකට ඔටුන්න හිමි කුමරු වජිරලොන්කෝන් සහ ඔහුගේ පළමු බිරිඳ වූ සෝම්සවාලි කුමරියට දාව උපත ලැබුවාය. සමාජ ක්රියාකාරිනියක වන ඇය කාන්තා සිරකරුවන්ගේ ජීවනෝපායන් වැඩිදියුණු කිරීමට කැපී පෙනෙන සේවාවක් ඉටුකර තිබේ.
