ලෝක ටෙස්ට් ශූරතාවලියේ අවසන් තරගයට ඕස්ට්‍රේලියාව සුදුසුකම් ලබයි

ඉන්දියාව පරදා තරග 5 කින් යුත් බෝඩර් - ගවස්කාර් කුසලාන ටෙස්ට් ක්‍රිකට් තරගාවලිය තරග 3-1 ක් ලෙස ජය ගනිමින් ලෝක ටෙස්ට් ශූරතාවලියේ අවසන් මහා තරගයට සුදුසුකම් ලබා ගැනීමට ඔස්ට්‍රේලියානු කණ්ඩායම අද (05) සමත් වුණා.

ඒ, සිඩ්නි හීදී පැවැති ඉන්දු-ඔස්ට්‍රේලියා අවසන් ටෙස්ට් තරගයෙන් කඩුලු 6 ක ජයක් වාර්තා කිරීමත් සමඟයි. ඒ අනුව ලෝක ටෙස්ට් ශූරතාවලියේ අවසන් තරගයට සුදුසුකම් ලබාගැනීම පිළිබ​ඳ බලාපොරොත්තු අත්හැරීමට ඉන්දියාවට හා ශ්‍රී ලංකාවට සිදු වුණා. ඔස්ට්‍රේලියාව හා දකුණු අප්‍රිකාව අතර පැවැත්වෙන ලෝක ටෙස්ට් ශූරතාවලියේ අවසන් මහා තරගය ජූනි 11 වැනිදා ලෝඩ්ස් ක්‍රීඩාංගනයේදී ආරම්භ වීමට නියමිතයි.