ලන්ඩන් සංචාරය ගැන කළ චෝදනාවලට රනිල්ගෙන් පිළිතුරු
හිටපු ජනාධිපති රනිල් වික්රමසිංහ සහ මහාචාර්ය මෛත්රී වික්රමසිංහ රජයේ මුදල් වැය කරමින් වර්ෂ 2023 දී ලන්ඩනයේ සංචාරයක නිරත වූ බවට කෙරුණු ප්රකාශය සම්පූර්ණයෙන් අසත්ය බව හිටපු ජනාධිපති රනිල් වික්රමසිංහගේ කාර්යාලය නිවේදනයක් නිකුත් කරමින් පවසනවා.
ඒ අනුව 2023 වර්ෂයේදී තුන්වරක් ලන්ඩනයේ සංචාරය කර තිබෙන බවත් පළමුව 2023 මැයි 09 වනදා, දෙවැනි චාල්ස් රජතුමාගේ අභිෂේක උත්සවයට සහභාගී වීම සඳහාත් දෙවැනි සංචාරය පැරිස් සමුළුවට සහභාගී වන අතරතුර ජාත්යන්තර ප්රජාතාන්ත්රිකයින්ගේ සංගමයේ (IDU) 40 වැනි සංවත්සර සැසි වාරය සඳහාත් තෙවන සංචාරය හවානා නුවර G77 සමුළුවට සහභාගී වී පසුව නිව්යෝක් නුවර එක්සත් ජාතීන්ගේ ජගත් සමුළුවටද එක්වීමෙන් අනතුරුව ලන්ඩන් නගරයට පැමිණි බවයි එම නිවේදනයේ සඳහන් වෙන්නේ.
තෙවනවරට ලන්ඩන් නගරයට ගොස් ඇත්තේ මෛත්රී වික්රමසිංහට මහා බ්රිතාන්යයේ Wolverhampton විශ්වවිද්යාලයෙන් මහාචාර්ය පදවිය ප්රදානය කිරීමේ උත්සවයට සහභාගී වීම සඳහා බවත් හිටපු ජනාධිපතිවරයා නිව්යෝක් නුවර එක්සත් ජාතීන්ගේ ජගත් සමුළුවට සහභාගි වූ දිනවලම එම විශ්වවිද්යාලයේ අදාළ උත්සවයට සහභාගීවීමට ලන්ඩන් නගරයට ගිය බවයි අදාළ නිවේදනයේ සඳහන් වෙන්නේ.
හිටපු ජනාධිපති රනිල් වික්රමසිංහ සහ නිලධාරීන් සඳහා ලන්ඩන් සංචාරයකට ප්රකාශිත ආකාරයේ අධික මුදලක් වැයවූයේ යයි පැවසීම අතිශය ගැටලු සහගත බවත් රාජ්යතාන්ත්රික වශයෙන් කරන සංචාර පිළිබඳ වත්මන් රජයට අවබෝධයක් නැති බව මේ කරුණ හමුවේදී ද පැහැදිලි වන බවයි අදාළ නිවේදනයේ වැඩිදුරටත් දැක්වෙන්නේ.
අදාළ නිවේදනය පහතින්.
