මුදල් අමාත්යාංශය යටතේ ශ්රී ලංකන් ගුවන් සේවය ගැසට් කරයි
ශ්රී ලංකන් ගුවන් සේවය මුදල්, ක්රමසම්පාදන හා ආර්ථික සංවර්ධන අමාත්යාංශය යටතේ ගැසට් කර තිබෙනවා.
2025 නොවැම්බර් 25 දිනැති ගැසට් නිවේදනය මගින් ජනාධිපති අනුර කුමාර දිසානායක විසින් නව රජය යටතේ අමාත්යාංශ සහ ආයතනවල රාජකාරී සහ කර්තව්යයන් විස්තර කරමින් මෙම ගැසට් නිවේදනය නිකුත් කර ඇති බව සඳහන්.
මෙම පියවර යෝජනා කරන්නේ එය ශ්රී ලංකන් ගුවන් සේවය විකිණීමේ සැලසුම් අත්හැරීමට රජය ගත් තීරණයට අනුකූලව බවයි වාර්තා වෙන්නේ.
ශ්රී ලංකන් ගුවන් සේවය විකිණීමේ සැලසුම් අත්හැර දමා වඩාත් ලාභදායී අනාගතයක් සඳහා එය ප්රතිව්යුහගත කරන ලෙස ජනාධිපති අනුර කුමාර දිසානායක උපදෙස් ලබා දුන්නේ මේ වසරේ ඔක්තෝම්බර් මාසයේදීයි.
ශ්රී ලංකන් ගුවන් සමාගමේ සභාපති සරත් ගනේගොඩ ප්රකාශකර සිටියේ ගුවන් සේවය සියලු ශ්රී ලාංකිකයින්ට ආඩම්බර වන ආයතනයක් විය යුතු බවත්, එය ශ්රී ලාංකිකයන් සතු විය යුතු බවත් ජනාධිපති අනුර කුමාර දිසානායක උපදෙස් දුන් බවයි.
වසර ගණනාවක් තිස්සේ සමුච්චිත පාඩු ලබන ගුවන් සේවය අර්ධ වශයෙන් විකිණීමට සහ කළමනාකරණය කිරීමට ලංසු කැඳවීමේ හිටපු පාලන තන්ත්රයේ සැලසුම් රජය විසින් මේවන විට ඉවතදමා තිබෙනවා.
