මෛත්රිට රනිල්ට අනුරට නොතීසි
ශ්රේෂ්ඨාධිකරණයට ඉදිරිපත් වූ මූලික අයිතිවාසිකම් පෙත්සමකට අදාළව හිටපු ජනාධිපතිවරුන් වන මෛත්රිපාල සිරිසේන, රනිල් වික්රමසිංහ සහ වත්මන් ජනාධිපති අනුර කුමාර දිසානායක මෙන්ම නීතිපතිවරයා ඇතුළු පාර්ශව කිහිපයකට නොතීසි යැවීමට පියවර ගන්නා ලෙස ශ්රේෂ්ඨාධිකරණය නියෝග කර තිබෙනවා.
ඒ මෙරට කාන්තාවන්ට සහ පිරිමින්ට ජීව විද්යාත්මක පදනමින් බැහැරව තම අභිලාෂය පරිදි සැත්කම් මගින් ලිංගික අනන්යතාවය වෙනස් කර ගැනීම සඳහා පහසුකම් සලසමින් පසුගිය රජයන් සහ වර්තමාන රජය ක්රියාත්මක කර ඇති වැඩසටහන් සහ චක්රලේඛ නීති විරෝධී බවට තීන්දුවක් ලබාදෙන ලෙස ඉල්ලා ගොනුකර තිබූ පෙත්සමක් සලකා බැලීමෙන් පසුවයි.
ගුවන් හමුදාවේ විශ්රාමික ආබාධිත රණවිරුවකු වන ශාන්ත ජයතිලක විසින් මෙම පෙත්සම ඉදිරිපත් කර තිබුණා.
එම පෙත්සම ඊයේ සලකා බැලුණේ, අගවිනිසුරු ප්රීති පද්මන් සූරසේන, ශිරාන් ගුණරත්න සහ අචල වෙංගප්පුලි යන ත්රි පුද්ගල ශ්රේෂ්ඨාධිකරණ විනිසුරු මඩුල්ල හමුවේයි.
ඒ අනුව මෙම පෙත්සම ජූලි මස 20 වැනිදා යළි හමුවේ සලකා බලන බව දන්වමින් එහි වග උත්තරකරුවන්ට සතියක් තුළ නොතිසි යැවීමට පියවර ගන්නා ලෙසයි ත්රිපුද්ගල විනිසුරු මඩුල්ල පෙත්සම්කාර පාර්ශවයට නියෝග කළේ.
