featured news - උණුසුම් පුවත්
බලශක්ති ඇමතිට එරෙහි විශ්වාසභංග යෝජනාව අද විවාදයට
බාල ගල්අඟුරු මෙරටට ගෙන්වීමේ සිද්ධිය මුල්කරගනිමින් බලශක්ති අමාත්ය කුමාර ජයකොඩිට එරෙහි විශ්වාසභංග යෝජනාව අද (10) පාර්ලිමේන්තුවේදී විවාදයට ගැනෙනවා.
බාල ගල්අඟුරු මෙරටට ගෙන්වීමේ සිද්ධිය මුල්කරගනිමින් බලශක්ති අමාත්ය කුමාර ජයකොඩිට එරෙහිව ඉකුත් මාර්තු 18 වැනිදා විපක්ෂය නියෝජනය කරන පක්ෂ විසින් විශ්වාසභංග යෝජනාවක් ඉදිරිපත් කළා.
බලශක්ති අමාත්ය කුමාර ජයකොඩි නොරොච්චෝල ලක්විජය ගල්අඟුරු බලාගාරය සඳහා ප්රමාණවත් හා ගුණාත්මක ගල්අඟුරු ප්රසම්පාදනය සහතික කිරීමේ රාජකාරිය ඉටු කිරීමට අපොහොසත් වීම හරහා අමාත්ය වගකීම උල්ලංඝනය කර ඇති බැවින් ඔහු එම ධුරයෙන් ඉවත් කළ යුතු බවටයි එමගින් යෝජනා කර ඇත්තේ.
