බන්ධනාගාර රෝහලේ හිටපු නියෝජ්ය අධ්යක්ෂ වෛද්ය හේමන්ත රිමාන්ඩ්
බන්ධනාගාර සෞඛ්ය සේවා හිටපු නියෝජ්ය අධ්යක්ෂ, වෛද්ය හේමන්ත රණසිංහ ලබන 19 වනදා දක්වා රක්ෂිත බන්ධනාගාර ගත කරන ලෙස කොළඹ මහේස්ත්රාත් අධිකරණය නියම කළේය.
අල්ලස් කොමිසම සහ විත්තියේ නීතිඥවරුන් ඉදිරිපත් කළ කරුණු සලකා බැලීමෙන් අනතුරුව කොළඹ අතිරේක මහේස්ත්රාත් මංජුල රත්නායක මහතා විසින් මෙම නියෝගය නිකුත් කර තිබේ.
2024 වසරේදී බන්ධනාගාරගතව සිටි රැඳවියෙකු රෝගී තත්ත්වයක් හේතුවෙන් වැලිකඩ බන්ධනාගාර රෝහලට ඇතුළත් කිරීමෙන් පසු, ඔහු තවදුරටත් එහි නේවාසිකව රඳවාගෙන ප්රතිකාර සිදු කිරීමට අල්ලස් වශයෙන් රුපියල් 1,500,000 ක් ඉල්ලා, ඉන් රුපියල් 300,000 ක මුදලක් අල්ලස් ලෙස ලබා ගැනීමේ සිද්ධියක් සම්බන්ධයෙන් ඔහු මෙලෙස අත්අඩංගුවට ගෙන ඇති බවයි සඳහන් වන්නේ.
ඔහු දැනට අංගොඩ ජාතික මානසික විද්යායතනයේ වැඩබලන නියෝජ්ය අධ්යක්ෂ ලෙස කටයුතු කරන අතර, අත්අඩංගුවට ගත් සැකකරු කොළඹ මහේස්ත්රාත් අධිකරණයට ඉදිරිපත් කිරීමට නියමිතව ඇති බවයි වැඩිදුරටත් සඳහන් වන්නේ.
