පිළිමළුන් පිටුදැකීමේ රග්බි තරගාවලියේ ජය ඉසිපතන විද්‍යාලයට

2024 අන්තර් පාසැල් පිළිමළුන් පිටුදැකීමේ රග්බි තරගාවලියේ අවසන් මහා තරගය මෙවර ලීග් රග්බි ශූරයින් වූ බම්බලපිටිය සාන්ත පීතර විද්‍යාලය සහ කොළඹ ඉසිපතන විද්‍යාලය අතර කොළඹ සුගතදාස ක්‍රීඩාංගනයේදී පැවැත්වුණා.

ඉතා තියුණු මුහුණුවරක් ගත් මෙම තරගයේ පළමු අර්ධය නිමාවන විට ලකුණු 20ට 12ක් ලෙස පෙරමුණ ගන්නට ඉසිපතන ක්‍රීඩකයින් සමත් වුණා.

දෙවැනි අර්ධයේදී තියුණු සටනක් දියත් කළ සාන්ත පීතර ක්‍රීඩකයින් ලකුණු 17ක් ලබා ගනිද්දී, ඉසිපතන ක්‍රීඩකයින් ද ලකුණු 14ක් සිය ලකුණු පුවරුවට එක් කර ගත්තා. කෙසේ වෙතත් පළමු අර්ධයේ වාසියත් සමග මෙම තරගයෙන් ලකුණු 34ට 29ක් ජයක් වාර්තා කළ ඉසිපතන ක්‍රීඩකයින් මෙවර පිළිමළුන් පිටුදැකීමේ රග්බි තරගාවලියේ ශූරතාව දිනා ගත්තා.