පේරු රාජ්‍යයේ හිටපු ජනාධිපති ජීවිතක්ෂයට

පේරු රාජ්‍යයේ හිටපු ජනාධිපති Alberto Fujimori ජීවිතක්ෂයට පත්වී තිබෙනවා. ජීවිතක්ෂයට පත්වන විට ඔහුගේ වයස අවුරුදු 86ක්.ඔහු 1990 සිට 2000 වසර දක්වා පේරු රාජ්‍යය පාලනය කළ අතර එම කාලයේදී මානව හිමිකම් උල්ලංඝණය කිරීම් සහ වංචා දූෂණ සම්බන්ධයෙන් ඔහුට එරෙහිව චෝදනා වුණා.

අනතුරුව 2005 වසරේදී ඔහුව චිලි රාජ්‍යයේ දී අත්අඩංගුවට ගත් අතර ඔහුට එරෙහිව නඩු විභාගයක් පවත්වා වසර 25කට බන්ධනාගාර ගත කිරීමට නියෝග කළ අතර ඒ අනුව පසුගිය දෙසැම්බර් මාසයේදී ඔහුව බන්ධනාගාරයෙන් නිදහස් කළේ වසර 15කට පසුවයි.