දේශීය ආදායම් දෙපාර්තමේන්තුවට වාර්තාගත බදු ආදායමක්

දේශීය ආදායම් දෙපාර්තමේන්තුව විසින් ඉතිහාසයේ මෙතෙක් රැස්කරන ලද ඉහළම බදු ආදායම පසුගිය 2024 වසරේදී රැස් කිරීමට සමත්වී ඇති බව එම දෙපාර්තමේන්තුව දක්වා තිබෙනවා. ඒ අනුව, දේශීය ආදායම් දෙපාර්තමේන්තුව විසින් නිකුත් කළ නිවේදනයක දැක්වෙන්නේ එම බදු ආදායම රුපියල් මිලියන 1,958,088 ක් බවයි. මෙය පසුගිය 2023 වසරට සාපේක්ෂව රුපියල් මිලියන 392,229 ක වැඩි වීමක් බවත්, එහි වර්ධන වේගය 25.1% ක් බවත් එම නිවේදනයේ වැඩිදුරටත් සඳහන්.