ගිනිඅවියක් සහ උණ්ඩ සමග අතුරුදන් වූ පොලිස් කොස්තාපල්
ගල්කිස්ස පොලිස් ස්ථානයට අනුයුක්තව සේවය කළ පොලිස් කොස්තාපල්වරයෙකු ගිනිඅවියක් සහ උණ්ඩ කිහිපයක් සමග පළා ගොස් තිබේ. අදාළ කොස්තාපල්වරයා විසින් ඊයේ (08) රාත්රි මාර්ග බාදක රාජකාරි සඳහා පිටත්ව යාමේදී මෙම ගිනි අවිය සහ උණ්ඩ 30ක් රැගෙන පිටත්ව ගොස් ඇති බවද පොලීසිය පවසයි.
කෙසේ වෙතත් අදාල නිලධාරියා මාර්ග බාදක රාජකාරීයට වාර්තා නොකිරීම හේතුවෙන් ඔහු පිළිබඳව සොයා බැලීමේදි ඔහුගේ ජංගම දුරකතනයට ද ප්රතිචාර දක්වා නොමැත. පසුව සිදුකළ විමර්ශනයේදී සැකකාර නිලධාරීවරයා ඊයේ රාත්රියේම කටුනායක ගුවන්තොටුපපොළින් ඩුබායි රටට පිටව ගොස් ඇතැයි හෙළිව තිබේ. ඒ අනුව සැකකාර පොලිස් නිලධාරියා නැවත දිවයිනට ගෙන්වා ගැනීම සඳහා අන්තර්ජාතික පොලීසිය හරහා අවශ්ය ක්රියාමාර්ග මේ වන විට ගනිමින් සිටින බවද පොලීසිය පවසයි. ඔහු සතු ගිනිඅවිය මෙතෙක් සොයා ගෙන නොමැති අතර සිද්ධිය සම්බන්දව පොලීසිය වැඩිදුර විමර්ශන සිදුකරයි.
