කැනේඩියානු මහා මැතිවරණයෙන් Mark Carney ට ජය
කැනේඩියානු මහා මැතිවරණය ජය ගැනීමට Mark Carney නායකත්වයෙන් යුතු ලිබරල් පක්ෂය සමත්ව ඇති බව විදෙස් මාධ්ය වාර්තා කරනවා.
තවමත් ඡන්ද ගණන් කරමින් පවතින අතර, ඔහු පාර්ලිමේන්තුවේ බහුතරයක් ලබා ගනීවිදැයි තවම ප්රකාශ කළ නොහැකි නමුත්, එලෙස බහුතරය ලබා ගැනීමට නොහැකි වුවහොත් පාලනය ගෙන යාමට වෙනත් පක්ෂයක සහාය ලබා ගැනීමට ඔහුට සිදුවන බවයි විදෙස් මාධ්ය වාර්තා සඳහන් කළේ.
පරාජිත කොන්සර්වේටිව් නායක Pierre Poilievre සිය පරාජය පිළිගෙන ඇති අතර ඔහුට සිය ආසනය ද අහිමි වනු ඇති බවයි සඳහන් වන්නේ.
සවස 3.00 වන විට නිකුත් වී ඇති ප්රතිඵල අනුව ආසන 168ක ලිබරල් පක්ෂය පෙරමුණ ගෙන ඇති අතර, කොන්සර්වේටිව් පක්ෂය ආසන 144ක් ලබා සිටියා. බලය තහවුරු කර ගැනීමට නම් ආසන 172 ක බලය තහවුරු කර ගත යුතු වන බවයි දැක්වෙන්නේ.
ජයග්රහණයෙන් අනතුරුව පාක්ෂිකයින් ඇමතූ Mark Carney සඳහන් කළේ, ඉදිරි දිනවලදී තමා ඩොනල්ඩ් ට්රම්ප් සමග තීරු බදු සම්බන්ධයෙන් සාකච්ඡා කරන බවයි.
