එකම පවුලේ තුනක් රෝහල් ගත කළ අනතුර

බදුල්ල මහ රෝහලේ සායනයකට ගොස් ආපසු එමින් සිටි පිරිසක් ගමන් ගත් ත්‍රීරෝද රථයක් බදුල්ල මහියංගණ මාර්ගයේ දොළොස්වන සැතපුම් කණුව ආසන්නයේදී ඉදිරියෙන් පැමිණි බස් රථයක ගැටී ත්‍රීරෝද රථයේ ගමන් ගත් එකම පවුලක   සැමියා බිරිය සහ ලේලිය බරපතල තුවාල ලබා රෝහල්ගතකර ඇතැයි පොලීසිය කියයි.

සිද්ධියෙන් තුවාල ලබා ඇත්තේ මීගහකිවුල කරදගහමඩ  අලුත්කෑල්ල පදිංචි   අවුරුදු 73, 67 හා  සහ 43   වයස්වල පසුවන එකම පවුලක  සාමාජිකයින් පිරිසකි.

ධාවනය වෙමින් තිබූ ත්‍රිරෝද රථයේ ඉදිරිපස රෝදය සවිව තිබූ ඇක්සලය කැඩී ගොස් ඉදිරිපස රෝදය ගැලවීමත් සමගම රියදුරු පාලනයෙන් ගිලිහී ගිය ත්‍රී රෝදරථය  ඉදිරිපසින් පැමිණි බස් රථයක ගැටීමෙන් අනතුර සිදුව ඇත.

ත්‍රී රෝද රථය බස් රථයේ ගැටීමත් සමඟම එහි සිටි වයෝවෘද්ධ කාන්තාවගේ අතක් සහ පාදයක් බිඳි ගොස් ඇති අතර සෙසු දෙදෙනාටද අනතුරින් තුවාල සිදුව ඇත.