ඉතාලි යන පාකිස්ථාන සංචාරකයින්ට දැඩි මූල්ය කොන්දේසි
ඉතාලියට යාමට අපේක්ෂා කරන පාකිස්ථාන සංචාරකයින් වීසා බලපත්රයක් සඳහා අයදුම් කිරීමේදී දැඩි මූල්ය අවශ්යතා සපුරාලිය යුතු බවට ඉතාලිය නව යෝජනාවක් ඉදිරිපත් කර තිබෙන බව විදෙස් මාධ්ය වාර්තා කරනවා.
සංස්කෘතික පොහොසත්කම සහ සුවිශේෂී සංචාරක ආකර්ෂණ ස්ථාන සඳහා ප්රසිද්ධ ඉතාලිය, පාකිස්ථානයෙන් එරට පැමිණීමට අපේක්ෂා කරන වීසා අයදුම්කරුවන්ට ඔවුන්ගේ රැඳී සිටීම ආවරණය කිරීමට ප්රමාණවත් අරමුදල් පිළිබඳ සාක්ෂි පෙන්විය යුතු බවත්, එසේ නොමැති වූවහොත් ඔවුන්ගේ වීසා අයදුම්පත් ප්රතික්ෂේප වීමේ අවදානමක් මතුවන බවත් පවසා ඇති බවයි එම මාධ්ය වාර්තා සඳහන් කරන්නේ. මෙම මූල්ය සාක්ෂිය දැන් පාකිස්ථානයේ සිට පැමිණෙන සියලුම සංචාරකයින් සඳහා ක්රියාවලියේ අත්යවශ්ය අංගයක් වන බව ද එම විදෙස් මාධ්ය වාර්තා වැඩිදුරටත් සඳහන් කරනවා.
ඉතාලිය, නිල වශයෙන් ඉතාලි ජනරජය ලෙස හැඳින්වෙන අතර එය දකුණු හා බටහිර යුරෝපයේ පිහිටා ඇති ප්රමුඛ යුරෝපීය ගමනාන්තයක්. එහි මධ්යධරණී වෙරළ තීරය සහ ඇල්ප්ස් කඳුකරය සංචාරකයින් සඳහා ඉහළම තේරීමක්. ප්රංශය, ස්විට්සර්ලන්තය, ඔස්ට්රියාව, ස්ලෝවේනියාව සහ වතිකානු නගරය සහ සැන් මරිනෝ යන ප්රදේශ සමඟ දේශසීමා බෙදා ගන්නා රටක් වන ඉතාලිය, මිලියන 60කට ආසන්න ජනගහනයක් සිටින අතර යුරෝපා සංගමයේ තුන්වන වැඩි ම ජනගහනය සහිත සාමාජිකයා යි.
ඉතාලියේ නව නීතියට අනුව වීසා අවශ්යතා අනුව, පකිස්ථාන අයදුම්කරුවන් දින 30කට වඩා පැරණි බැංකු ප්රකාශයක් සැපයිය යුතුය. මෙම ලේඛනය ඔවුන් ඉතාලියේ රැඳී සිටින කාලය තුළ ඔවුන්ට උපකාර කිරීමට ප්රමාණවත් මූල්ය සම්පත් ඇති බව තහවුරු කළ යුතු බව ද විදෙස් මාධ්ය වාර්තා කරනවා.
