ඇෆ්ගනිස්තාන තුන් ඉරියව් ක්‍රීඩක මොහොමඩ් නබි එක් දින පිටියෙන් සමුගනී

ලබන වසරේ පාකිස්තානයේ පැවැත්වෙන චැම්පියන්ස් කුසලාන තරගාවලියෙන් පසුව තමන් ජාත්‍යන්තර එක්දින තරගවලින් සමුගන්නා බව ඇෆ්ගනිස්තාන තුන් ඉරියව් ක්‍රීඩක මොහොමඩ් නබි පවසනවා.

ඊයේ (11) සාජාහිදී බංග්ලාදේශයට එරෙහිව ඇෆ්ගනිස්ථානය 2-1 තරඟාවලි ජයග්‍රහණයෙන් පසුවයි ඔහු මේ පිළිබඳව පවසා සිටියේ.39 හැවිරිදි මොහොමඩ් නබි 2019 වසරේ ටෙස්ට් ක්‍රිකට් පිටියෙන් සමුගනු ලැබුවා.

එහෙත් තවමත් ඔහු ඇෆ්ගනිස්තානය විස්සයි20 ක්‍රිකට් පිල නියෝජනය කරමින් සිටින අතර ඇෆ්ගනිස්ථාන ක්‍රිකට් පාලක මණ්ඩලයේ ප්‍රධාන විධායක නිලධාරී නසීබ් ඛාන් මේ පිළිබඳව තහවුරුකර සිටියා. නබී යනු ඇෆ්ගනිස්තානය වෙනුවෙන් වැඩිම එක්දින තරග සංඛ්‍යාවකට ක්‍රීඩා කර ඇති ක්‍රීඩකයායි. නබී ඇෆ්ගනිස්තානය වෙනුවෙන් මංගල එක්දින ක්‍රිකට් වරම් 2009 දී ස්කොට්ලන්තයට එරෙහිව දිනා ගත් අතර එක්දින තරග 167කට ක්‍රීඩා කරමින් ලකුණු 3600 ක් ලබා ගෙන තිබෙනවා.