මිලාද් උන් නබි උත්සවය අදයි

ශුද්ධ වු මුහම්මද් නබි තුමන්ගේ ජන්ම දිනය හෙවත් මිලාද් උන් නබි උත්සවය අදට (16) යෙදී තිබේ.

දෙස් විදෙස් ඉස්ලාම් බැතිමතුන් ශුද්ධ වු මුහම්මද් නබි තුමන්ගේ ගුණ සිහිකරමින් උත්සවාකාරයෙන් අද එය සමරනු ලබයි.

සාමය හා සමානාත්මතාව පදනම් කරගත් ඉස්ලාම් දහම ලොවට දේශනා කළ මුහම්මද් නබි තුමන් අරාබියේ මක්කම නගරයේදී උපත ලැබුවේ ක්‍රිස්තු වර්ෂ 570 දීය.

නබි නායකතුමාගේ ජන්ම දිනය සැමරෙන මේ සමයේ එතුමන් පෙන්වා දුන් වටිනාකම් සමඟ අනුගත වෙමින් සෑම ආකාරයකම අන්තවාදය පරාජය කොට සංවර්ධිත යහපත් ලෝකයක් නිර්මාණය කිරීමේ අධිෂ්ඨානයෙන් ලොව පුරා ඉස්ලාමීය බැතිමතුන් අත්වැල් බැඳ ගනු ඇති බව තමන් විශ්වාස කර බවද ජනාධිපති රනිල් වික්‍රමසිංහ මහතා සිය පණිවුඩයේ වැඩිදුරටත් සඳහන් කර ඇත.