උග්ර ගැටුම් මැද බංග්ලාදේශයේ සිටින ශ්රී ලාංකික විශ්වවිද්යාල සිසුන්ට මොකද වෙන්නේ?
බංග්ලාදේශයේ මතුව ඇති ගැටුම්කාරී තත්ත්වයත් සමග එරට සිටින ශ්රී ලාංකික විශ්වවිද්යාල සිසුන්ගේ ආරක්ෂාව සම්බන්ධයෙන් විශේෂ අවධානය යොමු කර ඇති බව, විදේශ කටයුතු අමාත්යංශය පවසයි.
අමාත්යාංශය සඳහන් කළේ, මේ වනවිට මෙරට සිසුන් 50 කට අධික පිරිසක් බංග්ලාදේශයේ විශ්විද්යාල තුනක ඉගෙනුම ලබන බවයි.
එරට ශ්රී ලංකා මහ කොමසාරිස්වරයා අදාළ සිසුන් හා ඔවුන්ගේ දෙමව්පියන් සම්බන්ධ කර ගනිමින් අවශ්ය උපදෙස් මේ වනවිටත් නිකුත් කර අවසන්.
මීට අමතරව ඔවුන් ඉගෙනුම ලබන විශ්වද්යාලවලට ද දැනුම් දී ඇත්තේ සිසුන්ගේ ආරක්ෂාව හා සුබසාධනය වෙනුවෙන් විශේෂ අවධානය යොමු කරන ලෙසයි.
ගැටුම් හේතුවෙන් එරට සිටින ශ්රී ලාංකික විශ්වවිද්යාල සිසුන්ගේ ආරක්ෂාවට මෙතෙක් බලපෑමක් වී නොමැති බවද, විදේශ අමාත්යාංශය අවධාරණය කළේ ය.
කෙසේ වෙතත් පවතින තත්ත්වය හමුවේ යම් සිසුවෙකුට ශ්රී ලංකාවට පැමිණිමට අවශ්ය නම් ඒ සඳහා පහසුකම් පවතින බව ද විදේශ අමාත්යාංශය ප්රකාශ කළේ ය.
